Wasabi 今日又生了一隻蛋喔！
2023-07-01
2022-08-04
2022-04-16
買小蝦給龜龜吃
今天買了小蝦給龜龜吃。說來有點愧疚，自從2006年養了狗狗之後，給龜龜的關注沒之前那麼超多。最近小狗狗離世了。。。相對比較『清閑』咗，專注力又可以回到龜龜處。
依然是四元一包的小蝦，有三十多隻！超好的舖頭。
小狗狗十八歲喇！始終都係不敵年邁，離開咗我哋差不多一個月了，好難過啊！
幾年前大狗狗離世後，雖然非常傷心，但仍要繼續照顧小狗狗，減弱了對大狗狗已不在的注意力，而且天真爛漫的小狗狗給了我們愉快的時光和極大的安慰、日子沒現在般難過。
現在家中沒有狗狗了，十六年來首次，很冷清，加上人又老了，親人也一個一個的離去咗，那種孤寂的感覺就係嗰種老生常談、從前風聞已久、現在到了親身經歷的人生階段嘅嗰種老人孤單感了。
Elzy, miss you! 在天堂要聽神的話啊！ Be a good girl. 我哋會再相聚的！
現在要好好照顧快廿一歲的龜龜們，免得有一天她們都不在了才遺憾、又後悔沒為她倆做得更多和更好。
2021-08-04
二十歲！！！
20歲嘞！20歲嘞！！
20年前根本都冇話識唔識得去諗有冇哩一日。
最初睇嘅資料話家養嘅巴西龜一般壽命20至30歲，咁可能仲會養多10年！
20年真係好長嘅日子，最初互聯網唔係好發達，可以搵到關於巴西龜嘅資料更加少之又少；本地嘅資料只可以上 forum 睇下其他人嘅分享，真係真假難分，依家『兩爬協會』都好有規模，會教育大眾、會安排領養巴西龜，以前只會去金魚街買； 以前龜有病似乎只可以去大圍睇西人獸醫，而家好唔同，多咗好多好多獸醫診所，而且土瓜灣有個好好嘅港人獸醫；依家動物嘅權益好咗好多，雖然仲有所謂『放生』嘅行為，但係都好似避忌咗好多。時代係不斷咁進步嘅，相信已經好多人識得點樣養巴西龜喇，希望呢個進步 keep 住落去，唔好走回頭路，咁巴西龜就可以得到適當嘅照料，唔好再白白咁受苦。
兩隻龜龜今年嘅生日禮物係急凍三文魚，真係唔好意思，今年真係好忙，冇去買新鮮嘅魚仔或者蝦仔。今年細狗狗唔係好舒服，始終都17歲喇、年紀大喇，就好似幾年前照顧大狗狗一樣，用咗好多時間同埋心機。
雖然人生不能盡如人意，喺有限嘅條件之下，兩隻龜都可以喺我哋照顧之下活超過20年，點講我哋都係蒙福嘅，多謝造物主上帝俾呢個世界上有動物、俾我哋有能力照顧佢哋，唔需要迫於無奈放棄佢哋。
因為太忙嘅關係，今次用 Google 語音輸入法，所以全篇都係用廣東話寫嘅。
訂閱：
文章 (Atom)